Gel balam, istärler seni,
Istlegiň bagdadyr-bagda.
Herne bela men dözeýin,
Istlegiň bagdadyr-bagda.
Garadyr Selbiniň gözi,
Görmäge Saýadyň ýüzi,
Mämmet han patyşaň gyzy,
Saýat han bagdadyr-bagda.
Söhbetiň bar sazlar bile,
Ördegi bar gazlar bile,
On üç, on dört gyzlar bile,
Saýat han bagdadyr-bagda.
Ýar bagyna girer bolsaň,
Gyzyl gülün tirer bolsaň,
Saýat hany görer bolsaň,
Saýat jan bagdadyr-bagda.
Gel, Ahmet, uýgul allaga,
Ýüzüň dönder kyblagähe,
Diýdiler: — gelsin — Hemraga,
Saýat han bagdadyr-bagda.