Penjireden maýyl-maýyl bakan ýar,
Ýar, gara gözleriň nätilär menden?
Şirin janym yşk oduna ýakan ýar,
Ýar, gara gözlerin, nätilär menden?
Şol gara gözüňe bendi bolaýyn,
Men senden aýrylyp, kanda bolaýyn,
Men bir tylla ýüzük, sende bolaýyn,
Ýar, gara gözleriň nätilär menden?
Säherler ir turup, bakam her ýana,
Men ýary görmesem galam armana,
Näge gözüm düşdi, galdym haýrana,
Ýar, gara gözleriň nätilär menden?
Gözlerin, jellatdyr, alar janymy,
Kirpigiň neşterdir, döker ganymny,
Sen dileseň men bereýin janymny,
Şol gara gözleriň nätilär menden?
Müňküriň köňlünden gitmez gümany,
Bilbiliň desdinde gülüň dumany,
Saýat han Hemranyň dini, imany,
Ýar, gara gözleriň nätilär menden?