Goja kişi, günähiňe kaýyl sen,
Neçün tirdiň almalary bagymda?!
Gözelleriň jemalyna maýyl sen,
Neçün tirdiň almalary bagymda?!
Muhubbet ýolundan güzer etmediň,
Bakyp öz-özüňe, nazar etmediň,
Meniň gazabymdan hezer etmediň,
Neçün tirdiň almalary bagymda?!
Bagbanlarym gol uzatmaz bagyma,
Binalar salmyşam soly-sagyma,
Birugsat girip sen meniň bagyma,
Neçün tirdiň almalary bagymda?!
Saýat han diýr, gyzlar — şahy
hubandyr, Gülüp, oýnaşmagä şirin zybandyr.
Urar men, söger men, höküm rowandyr,
Neçün tirdin almalary bagymda?!